RAPORTO

veprime ilegale

Biografia



FERAT SHALA

Ka lindur në Vuçak të komunës së Drenasit më 10.06.1964.

Mban titullin doktor i shkencave teknike, i diplomuar në Universitetin e Goce Delcev, Maqedoni.

Ka kryer sudimet master në Fakultetin e Inxhinierisë Mekanike, Univeristeti i Prishtinës. Që nga viti 2006 Z. Shala është profesor në Fakultetin e Inxhinierisë Mekanike në Univerisitetin e Prishtinës, Prishtinë; profesor në kolegjin e shkencave të aplikuara teknike “Tempulli” (2007); profesor në Fakultetin e Gjeoshkencave në Univeristetin e Prishtinës, Mitrovicë (2011).

Nga data 02.07.2013, Z.Shala u emërua Zëvendës Ministër në Ministrinë e Mjedisit dhe Planifikimit Hapësinor.

Në vitin 2009-2012, Z. Shala ka mbajtur postin e menaxherit në ndërmarrjen “Trepça”, ndërmarrje kjo nën administrimin e Agjensionit Kosovar të Privatizimit. Nga korriku 2010 ka shërbyer si anëtar i Këshillit Drejtues, në Odën Ekonomike të Kosovës.

Ndër eksperiencat të tjera profesionale janë edhe detyra si kosulent profesional i kompanive që merren me ndërtime dhe miniera; Inxhinier përgjegjës për minierë – Trasing Group, 2006-2008.

Z. Shala është autor i dhjetra punimeve shkencore të publikuara në revista të ndryshme ndërkombëtare dhe vendore, publikime këto në gjuhën angleze, serbo-kroate, shqipe për çështjet e ndryshme si: mjedisi, ndotja, mbetjet radioaktive, termocentralet, transportin, potencialet e Kosovës në plumb dhe zink, metalurgjia e rëndë,...,etj.

Me Vendim të Qeverisë në Korrik të 2016 cakton Z. SHALA ushtrues funksional të detyrës së Ministrit, ndërsa në mbledhjen e mbajtur me 30.12.2016 Z. SHALA emërohet Ministër, në Ministrin e Mjedisit dhe Planifikimit Hapësinor.

Është njohës i mirë i gjuhës kroate, serbe dhe mesatarisht njohës i gjuhës gjermane dhe angleze.

Ai jeton në Prishtinë, i martuar dhe ka 3 fëmij.